တွံတေးမြို့နယ်၊ ပြန်လည်နေရာချထားရေးဧရိယာကွင်းအမှတ် – ၀၃ နှင့် ၀၄ (RA-3, RA-4) အတွင်းရှိမြေကွက်များအား မဲစနစ်ဖြင့် မဲနှိုက်ခြင်းကို ၂၀၂၀ခုနှစ်၊ ဇန်နဝါရီလ (၃၁)ရက်နေ့နှင့် ဖေဖော်ဝါရီလ(၁)ရက်နေ့တို့တွင် အထက်ပါဇယားအတိုင်း တွံတေးမြို့နယ်၊ ပဒါန်ရေကျော်ကျေးရွာအုပ်စု၊ ဘုရားငူကျေးရွာ၊ တွံတေး-လှိုင်သာယာကားလမ်းဘေး၊ ဧကရာဇ်ဆိုင်ကယ်အရောင်းဆိုင်အပေါ်ထပ်တွင် ပြုလုပ်မည် ဖြစ်ပါသည်။
တွံတေးမြို့နယ်၊ ပြန်လည်နေရာချထားရေးဧရိယာကွင်းအမှတ် – ၀၂ (RA-2) အတွင်းရှိ မဲစနစ်ဖြင့် မဲနှိုက်ခဲ့သော မြေကွက်များအတွက် လယ်ပိုင်ရှင်တစ်ဦးချင်းစီကို ၎င်းတို့ပြန်လည်ရရှိမည့် မြေနေရာများအား ရှင်းလင်းတင်ပြခြင်ကို အထက်ပါအစီအစဉ်အတိုင်း တွံတေးမြို့နယ်၊ ရန်ကုန်-တွံတေးလမ်းမဘေး၊ ပဒါန်ရေကျော်ကျေးရွာအုပ်စု၊ဘုရားငူကျေးရွာအတွင်း ဧကရာဇ်မော်တော်ဆိုင်ကယ်ဆိုင်အပေါ်ထပ်ရှိ ရန်ကုန်မြို့သစ်စီမံကိန်းမြေနေရာလုပ်ငန်းရုံးတွင် ကျင်းပမည်ဖြစ်ပါသည်။
တွံတေးမြို့နယ်၊ ပြန်လည်နေရာချထားရေးဧရိယာကွင်းအမှတ် – ၀၂ (RA-2) အတွင်းရှိမြေကွက်များအား မဲစနစ်ဖြင့် မဲနှိုက်ခြင်းကို ၂၀၂၀ခုနှစ်၊ ဇန်နဝါရီလ (၁၀)ရက်နေ့မှ (၁၂)ရက်နေ့အထိ အထက်ပါဇယားအတိုင်း တွံတေးမြို့နယ်၊ ပဒါန်ရေကျော်ကျေးရွာအုပ်စု၊ ဘုရားငူကျေးရွာ၊ တွံတေး-လှိုင်သာယာကားလမ်းဘေး၊ ဧကရာဇ်ဆိုင်ကယ်အရောင်းဆိုင်အပေါ်ထပ်တွင် ပြုလုပ်မည် ဖြစ်ပါသည်။
တွံတေးမြို့နယ်၊ ပြန်လည်နေရာချထားရေးဧရိယာကွင်းအမှတ် – ၀၁ (RA-1) အတွင်းရှိမြေကွက်များအား မဲစနစ်ဖြင့် မဲနှိုက်ခြင်းကို တွံတေးမြို့နယ်၊ ပဒါန်ရေကျော်ကျေးရွာအုပ်စု၊ ဘုရားငူကျေးရွာ၊ တွံတေး-လှိုင်သာယာကားလမ်းဘေး၊ ဧကရာဇ်ဆိုင်ကယ်အရောင်းဆိုင်အပေါ်ထပ်တွင် ဒီဇင်ဘာလ(၁၁)ရက်နေ့ နံနက်(၉)နာရီတွင် ပြုလုပ်မည် ဖြစ်ပါသည်။
ရန်ကုန်မြို့သစ်စီမံကိန်း၏ ၂၀% မြို့မြေပြန်လည်နေရာချထားမည့် ဧရိယာကွင်းအမှတ်-၁ (RA-1) အတွင်းရှိ မြေကွက်မြေပုံများအား နိုဝင်ဘာလ(၂၂)ရက်နေ့တွင် အများပြည်သူများအား ရှင်းလင်းတင်ပြခဲ့ပြီးဖြစ်ရာ ဧရိယာကွင်းအမှတ်-၃(RA-3)အတွင်းရှိ မြေကွက်မြေပုံ ရှင်းလင်းခြင်းကို နိုဝင်ဘာလ(၂၉)ရက် နံနက်(၉း၃၀)နာရီတွင် ကြည့်မြင်တိုင်မြို့နယ်၊ ဘလုတ်ညွန့်ရပ်ကွက်၊ ရန်ကုန်မြို့သစ်စီမံကိန်းမြေနေရာလုပ်ငန်းရုံးအဖွဲ့တွင်လည်းကောင်း၊ ဧရိယာကွင်းအမှတ်-၂(RA-2) နှင့် ဧရိယာကွင်းအမှတ်-၄(RA-4)အတွင်းရှိ မြေကွက်မြေပုံ ရှင်းလင်းခြင်းကို နိုဝင်ဘာလ(၂၉)ရက် နေ့လည်(၁.၃၀)နာရီတွင် တွံတေးမြို့နယ်၊ ဗျောက်ရိုးကျေးရွာအုပ်စု၊ မျက်နီကုန်းကျေးရွာ၊ သစ္စာမဏ္ဍိုင်ကျောင်းတိုက်တွင်လည်းကောင်း ပြုလုပ်သွားမည်ဖြစ်ပါသည်။
၂၀၁၉ခုနှစ်၊ စက်တင်ဘာလ (၁၂)ရက်နေ့တွင် Singapore Institute of Planners အဖွဲ့အစည်းမှ ကျင်းပသော (၆)ကြိမ်မြောက် Planning Awards 2019 ပွဲတွင် ရန်ကုန်မြို့သစ်၏ Master Plan သည် Best Planning Project ကဏ္ဍအတွက် Merit Award ကိုရရှိခဲ့ပါသည်။
ရန်ကုန်မြို့သစ်ဖွံ့ဖြိုးရေး ကုမ္ပဏီလီမိတက် (NYDC) သည် မြန်မာနိုင်ငံ ရန်ကုန်တိုင်းဒေသကြီးရှိ ဆိပ်ကြီးခနောင်တို၊ တွံတေး၊ လှိုင်သာယာ နှင့် ကြည့်မြင်တိုင် မြို့နယ်တို့တွင် မြို့သစ်စီမံကိန်းလုပ်ငန်းဆောင်ရွက်ရန် ရည်ရွယ်ပါသည်။ စီမံကိန်းပထမအဆင့်၏ ပထမအပိုင်းတွင် တံတားများ၊ လမ်းများ၊ လျှပ်စစ်ဓာတ်အား၊ စက်မှုဇုံ၊ ရေ နှင့် ရေဆိုး ဟူ၍ စီမံကိန်း ၆ ခု ပါဝင်ပါမည်။ မြန်မာနိုင်ငံ ပတ်ဝန်းကျင်ထိန်းသိမ်းရေးဆိုင်ရာ ဥပဒေ နှင့် နည်းဥပဒေအရ NYDC သည် စီမံကိန်းပထမအဆင့်၏ ပထမအပိုင်းဖြစ်သည့် တံတားများ၊ လမ်းများ၊ လျှပ်စစ်ဓာတ်အား၊ စက်မှုဇုံ၊ ရေ နှင့် ရေဆိုးတို့အတွက် ပတ်ဝန်းကျင်ထိန်းသိမ်းရေး ဆိုင်ရာ လိုက်နာဆောင်ရွက်မှု သက်သေခံလက်မှတ် (ECC) ရရှိရန် ပတ်ဝန်းကျင်နှင့် လူမှုဝန်းကျင်ထိခိုက်မှု ဆန်းစစ်ခြင်း အစီရင်ခံစာ (EIA) […]
ရန်ကုန်မြို့သစ်စီမံကိန်းအတွက် မဟာဗျူဟာမြောက်သဘာဝပတ်ဝန်းကျင်ဆိုင်ရာဆန်းစစ်ခြင်းနှင့် ပတ်ဝန်းကျင်နှင့်လူမှုဝန်းကျင်ထိခိုက်မှုဆန်းစစ်ခြင်းအဆင့်တွင် ပြည်သူလူထု ပူးပေါင်းပါဝင်ပြီး သဘောထားအမြင်နှင့် အတွေ့အကြုံများ ဖလှယ်နိုင်ရေးအတွက် ဒုတိယအကြိမ်မြောက် လူထုတွေ့ဆုံ ရှင်းလင်းပွဲများကို NYDC နှင့် Environmental Resources Management ကုမ္ပဏီတို့မှ ဧပြီလ (၁)ရက်နေ့တွင် အလုံမြို့နယ်၊ အလုံခန်းမ၌လည်းကောင်း၊ ဧပြီလ (၂)ရက်နေ့တွင် ကြည့်မြင့်တိုင်မြိုနယ် အနောက်ဖက်ခြမ်းရှိ ခါတော်မှီကျောင်းတိုက် နှင့် ချောင်းဝကျောင်းတိုက်တို့တွင်လည်းကောင်း၊ ဧပြီလ (၃)ရက်နေ့တွင် ဆိပ်ကြီးခနောင်တိုမြို့နယ်၊ အထွေထွေအုပ်ချုပ်ရေးမှူးရုံး အစည်းအဝေးခန်းမ နှင့် တွံတေးမြို့နယ်၊ အထွေထွေအုပ်ချုပ်ရေးမှူးရုံး အစည်းအဝေးခန်းမ ၌လည်းကောင်း၊ ဧပြီလ (၄)ရက်နေ့တွင် တွံတေးမြို့နယ်၊ လေးအိမ်စုကျောင်းတိုက် နှင့် သုံးအိမ်စုကျောင်းတိုက်တို့၌လည်းကောင်း၊ ဧပြီလ (၅)ရက်နေ့တွင် လှိုင်သာယာမြို့နယ် ကနောင်ခန်းမနှင့် ပုညသုခဓမ္မာရုံတို့၌လည်းကောင်း၊ ဧပြီလ (၈)ရက်နေ့တွင် ဒလမြို့နယ် သိရိဇေယျနော်ရထာခန်းမနှင့် ကြည့်မြင့်တိုင်မြိုနယ် အရှေ့ဖက်ခြမ်းရှိ […]
